ನಕ್ಕುನಲಿ

ಮಗ : ಡ್ಯಾಡಿ, ನೀನು ಈಜಿಪ್ಟ್‌ಗೆ ಹೋಗಿದ್ಯಾ?

ಅಪ್ಪ : ಇಲ್ಲ ಕಣೋ.. ಈಜಿಪ್ಟ್‌ ಯಾವ ದಿಕ್ಕಲಿದೆಯೋ ನನಗೆ ಗೊತ್ತಿಲ್ಲ. ಅದಿರಲಿ, ಯಾಕೋ ಮಗು?

ಮಗ : ಹಾಗಾದ್ರೆ ಈ ‘ಮಮ್ಮೀ’ ನಿಮ್ಮ ಹತ್ತಿರ ಹೇಗೆ ಬಂತು?

***

ಅವಳು : ಡಾರ್ಲಿಂಗ್‌ ನಮ್ಮ ಎಂಗೇಜ್‌ಮೆಂಟಿಗೆ ರಿಂಗ್‌ ಕೊಡ್ತಿರಾ ತಾನೆ?

ಅವನು : ವೈ ನಾಟ್‌ ಡಿಯರ್‌, ನಿನ್ನ ಫೋನ್‌ ನಂಬರ್‌ ಕೊಡು ಮೊದ್ಲು

***

ಕುಡುಕನೊಬ್ಬನನ್ನು ನ್ಯಾಯಾಲಯಕ್ಕೆ ತಂದು ಕಟಕಟೆ ಏರಿಸಿದರು.

ಅಲ್ಲಿಗೆ ಬಂದ ನ್ಯಾಯಾಧೀಶರು ಇವನ ಮಾತು ಕೇಳುವ ಮೊದಲು ‘ಆರ್ಡರ್‌, ಆರ್ಡರ್‌’ ಎಂದರು. ಕೂಡಲೇ ಕುಡುಕ -‘ಸ್ವಾಮಿ ಒಂದು ಸ್ಕಾಚ್‌ ಹಾಗು ಒಂದು ಸೋಡ ಕೊಡ್ರೀ’ ಎನ್ನುವುದೇ?

***

ರಮಾ : ನಾನು ನನ್ನ ಗಂಡ ಮೊದ್ಲಿನ ಇಪ್ಪತ್ತು ವರ್ಷ ತುಂಬಾ ಸಂತೋಷವಾಗಿದ್ವಿ ನೋಡಿ.

ಪವಿತ್ರ : ಓಹೋ, ಹಾಗಾದ್ರೆ ಆಮೇಲೆ

ರಮಾ : ಆಮೇಲೇನೇ ನಾವು ಭೇಟಿಯಾದದ್ದು, ಪರಸ್ಪರ ಮದ್ವೆ ಆದದ್ದು.

***

ಪದ್ಮಕ್ಕ : ನಿಮ್ಮಪ್ಪನಿಗೆ ಎಷ್ಟು ವಯಸ್ಸೋ ಪುಟ್ಟಾ?

ಪುಟ್ಟ : ನಂಗಾದಷ್ಟೇ ನಮ್ಮಪ್ಪನಿಗೆ ವಯಸ್ಸು?

ಪದ್ಮಕ್ಕ : ಅದು ಹೇಗೋ?

ಪುಟ್ಟ : ಅಯ್ಯೋ ನಾ ಹುಟ್ಟಿದ ಮೇಲಲ್ವೇ ಅವ್ರು ಅಪ್ಪ ಆದದ್ದು..